പരമാധികാരം ഡെന്മാര്ക്കിനും സ്വയംനിര്ണയാവകാശം ഗ്രീന്ലാന്ഡുകാര്ക്കും- കോപ്പന്ഹേഗന്
അമേരിക്കന് പ്രസിഡന്റ് ഡൊണാള്ഡ് ട്രംപ് വെള്ളിയാഴ്ച പ്രഖ്യാപിച്ചത് പ്രകാരം ഗ്രീന്ലാന്ഡില് അമേരിക്കന് സുരക്ഷാ സാന്നിധ്യം വിപുലീകരിക്കുന്നതിന് ട്രംപ് ഭരണകൂടം ഡെന്മാര്ക്കുമായും ഗ്രീന്ലാന്ഡുമായും ധാരണയിലെത്തി. ഡെന്മാര്ക്കിന്റെ അര്ധസ്വയംഭരണ പ്രദേശമായ ഗ്രീന്ലാന്ഡിനെ സ്വന്തമാക്കാനുള്ള ട്രംപിന്റെ നീക്കം നേരത്തെ പാശ്ചാത്യ സഖ്യത്തില് വലിയ ആശങ്ക സൃഷ്ടിച്ചിരുന്നു. പുതിയ ധാരണ അതിന് നയതന്ത്രപരമായ പരിഹാരത്തിന് വഴിതുറക്കുന്നതായാണ് വിലയിരുത്തല്.
എന്നാല് ധാരണയുടെ പൂര്ണ രൂപം വെള്ളിയാഴ്ച പുറത്തുവന്നിരുന്നില്ല. അടുത്തയാഴ്ച ന്യൂയോര്ക്കില് നടക്കുന്ന ഐക്യരാഷ്ട്രസഭാ പൊതുസഭാ സമ്മേളനത്തിനിടെ കരാര് ഒപ്പുവയ്ക്കുമെന്നാണ് ഗ്രീന്ലാന്ഡ്, ഡെന്മാര്ക്ക് നേതാക്കള് വ്യക്തമാക്കിയത്. ധാരണയെ ഇരുപക്ഷവും വ്യത്യസ്തമായാണ് വിശദീകരിച്ചത്. ഗ്രീന്ലാന്ഡിന്റെ 'സുരക്ഷയിലും മറ്റ് ആവശ്യങ്ങളിലും സ്ഥിരമായ നിയന്ത്രണം' അമേരിക്ക നേടിയെന്നാണ് ട്രംപ് അവകാശപ്പെട്ടത്. എന്നാല് ഡെന്മാര്ക്ക് പ്രധാനമന്ത്രി മെറ്റെ ഫ്രെഡറിക്സന് പറഞ്ഞത് ധാരണ ഡെന്മാര്ക്കിന്റെ പരമാധികാരവും അഖണ്ഡതയും അതോടൊപ്പം ഗ്രീന്ലാന്ഡ് ജനതയുടെ സ്വയംനിര്ണയാവകാശവും അംഗീകരിക്കുന്നുവെന്നാണ്. ഇതോടെ ഗ്രീന്ലാന്ഡിന്റെ പൂര്ണ നിയന്ത്രണം അമേരിക്കയ്ക്ക് വേണമെന്ന ട്രംപിന്റെ ദീര്ഘകാല ആവശ്യം ധാരണയില് ഉള്പ്പെട്ടിട്ടില്ലെന്ന സൂചനയാണ് ലഭിക്കുന്നത്.
വായനക്കാർക്കായി / Recommended for You
വിദേശയാത്ര പ്ലാൻ ചെയ്യുന്നുണ്ടോ? ഇന്ത്യക്കാർക്കായി വിസ നിയമങ്ങളിൽ മാറ്റം വരുത്തി 9 രാജ്യങ്ങൾ
അമേരിക്കയിൽ സിഖ് ട്രക്ക് ഡ്രൈവർക്കു നേരെ കത്തിയാക്രമണം; 17 തവണ കുത്തേറ്റു
അനധികൃത സ്വത്ത് സമ്പാദന കേസ്; മുന് ഡിജിപി ടോമിന് ജെ. തച്ചങ്കരിക്ക് നാലു വര്ഷം കഠിന തടവും 30 ലക്ഷം പിഴയും
അനധികൃത വിദേശമദ്യ ശേഖരം; ആന്റോ അഗസ്റ്റിൻ അറസ്റ്റിൽ, പിടിച്ചെടുത്തത് 67 ലിറ്റർ മദ്യം
കേരള പോലീസ് സ്വർണ്ണ കടത്ത് ശൃംഖലയ്ക്കെതിരെ നടപടി