മലയാളി നഴ്‌സ് ദുബായില്‍ അന്തരിച്ചു

ദുബായ്: മലയാളി നഴ്സ് ദുബായിൽ അന്തരിച്ചു. മലപ്പുറം നിലമ്പൂർ ചെമ്പുക്കടവ് കളപ്പുരയ്ക്കൽ സൗമ്യ അഗസ്റ്റിൻ (41) ആണ് മരിച്ചത്. ദുബായ് റാഷിദ് ആശുപത്രിയിലെ നഴ്സായിരുന്ന സൗമ്യ കുറച്ചുനാളുകളായി അസുഖത്തെ തുടർന്ന് ചികിത്സയിലായിരുന്നു. ഇതിനിടെയാണ് മരണം സംഭവിച്ചത്.

ദുബായിൽ ജോലി ചെയ്യുന്ന ജെനീഷ് ആണ് ഭർത്താവ്. ദമ്പതികൾക്ക് മൂന്ന് മക്കളുണ്ട്. നടപടികൾ പൂർത്തിയാക്കിയ ശേഷം സൗമ്യയുടെ മൃതദേഹം നാട്ടിലേക്ക് കൊണ്ടുപോകുമെന്ന് ബന്ധുക്കൾ അറിയിച്ചു.