കൊച്ചി: കേരളത്തില് ഉപയോഗശൂന്യമായി കിടക്കുന്ന കാര്ഷിക ഭൂമികളെ ആധുനിക സാങ്കേതികവിദ്യയുടെ സഹായത്തോടെ ഉത്പാദനക്ഷമവും ലാഭകരവുമായ കാര്ഷിക സംരംഭങ്ങളാക്കി മാറ്റുന്നതിനായി റാഡ്താര് 'ഫാര്മിംഗ് ആസ് എ സര്വീസ്' സേവനം അവതരിപ്പിക്കുന്നു. പ്രത്യേകിച്ച് വിദേശത്തും ഇന്ത്യയുടെ വിവിധ ഭാഗങ്ങളിലും താമസിക്കുന്ന പ്രവാസി (എന് ആര് ഇ/ എന് ആര് ഒ) ഭൂവുടമകള്ക്ക് തങ്ങളുടെ കേരളത്തിലെ ഭൂമി ഫലപ്രദമായി ഉപയോഗപ്പെടുത്തുന്നതിനുള്ള സമഗ്രമായ സേവനമാണ് റാഡ്താര് ഒരുക്കുന്നത്.
കേന്ദ്ര സര്ക്കാരിന്റെ 'സ്റ്റാര്ട്ടപ്പ് ഇന്ത്യ' അംഗീകാരവും കേരള സ്റ്റാര്ട്ടപ്പ് മിഷന്റെ പിന്തുണയും ലഭിച്ചിട്ടുള്ള റാഡ്താര് കാര്ഷിക മേഖലയിലെ വിവിധ സ്ഥാപനങ്ങളുമായുള്ള സഹകരണത്തിലൂടെയാണ് ഈ സേവനം നടപ്പാക്കുന്നത്. ഇന്ത്യന് കൗണ്സില് ഓഫ് അഗ്രികള്ച്ചറല് റിസര്ച്ച്- കൃഷി വിജ്ഞാന കേന്ദ്രം, ഇന്ത്യന് അഗ്രികള്ച്ചറല് റിസര്ച്ച് ഇന്സ്റ്റിറ്റ്യൂട്ട്- പൂസ കൃഷി തുടങ്ങിയ പ്രമുഖ കാര്ഷിക ഗവേഷണ- വിജ്ഞാന സ്ഥാപനങ്ങളുടെ പിന്തുണയും സാങ്കേതിക സഹകരണവും പ്രയോജനപ്പെടുത്തി ആധുനിക കാര്ഷിക മാതൃകകള് ഭൂമിയിലേക്ക് എത്തിക്കുകയാണ് ലക്ഷ്യം.
കേരളത്തില് സ്വന്തമായി ഭൂമിയുണ്ടെങ്കിലും കൃഷി നടത്താന് കഴിയാത്ത പ്രവാസികള്ക്ക് ഈ സംവിധാനം ഏറെ പ്രയോജനകരമാകും. ഭൂമിയുടെ കിടപ്പ്, വിസ്തീര്ണം, മണ്ണിന്റെ സ്വഭാവം, ജലലഭ്യത, കാലാവസ്ഥ, വിപണി സാധ്യതകള് തുടങ്ങിയ ഘടകങ്ങള് വിലയിരുത്തി ഏത് തരത്തിലുള്ള കൃഷിയാണ് അല്ലെങ്കില് കാര്ഷിക സംരംഭമാണ് അനുയോജ്യമെന്നും അതിലൂടെ എത്രത്തോളം വരുമാന സാധ്യതയുണ്ടെന്നും കണ്ടെത്താന് റാഡ്താര് സഹായിക്കും.
വായനക്കാർക്കായി / Recommended for You
വിമാനം റദ്ദാക്കി ; തിരുവനന്തപുരത്ത് യാത്രക്കാരുടെ പ്രതിഷേധം
തൃണമൂല് തര്ക്കം: മമത വിഭാഗത്തിന് ഫുട്ബോള് താരം, വിമതര്ക്ക് കവറിന്റെ ചിഹ്നം
തൃശ്ശൂർ പൂരം 2026: റെക്കോർഡ് ജനപ്പങ്കാളിത്തം
അടുത്ത മാസം കൊച്ചിയിൽ പുതിയ മെട്രോ ലൈൻ ഉദ്ഘാടനം
കേരള വെള്ളപ്പൊക്കം: ദുരിതബാധിത ജില്ലകളിൽ ഗവൺമെന്റ് ദ്രുത സഹായം