വിദേശ ജോലി വാഗ്ദാനം ചെയ്ത് തട്ടിപ്പ്: ആംസ്റ്റർ ഓവർസീസ് സിഇഒ പാർവതി മായ ഷാജി അറസ്റ്റിൽ, തിരുവനന്തപുരം വിമാനത്താവളത്തിൽ വച്ച് പൊലീസ് കസ്റ്റഡിയിലെടുത്തു; അർമേനിയ, പോളണ്ട് ജോലി വാഗ്ദാനത്തിൽ ലക്ഷങ്ങൾ തട്ടിയെടുത്തെന്ന് കേസ്

തൃശൂർ എരുമപ്പെട്ടി സ്വദേശിയായ യുവാവിന് അർമേനിയയിൽ പ്രതിമാസം ഒന്നര ലക്ഷം രൂപ ശമ്പളമുള്ള ജോലി വാഗ്ദാനം ചെയ്ത് നാല് ലക്ഷം രൂപ തട്ടിയെടുത്തെന്നാണ് ആദ്യ കേസ്. പണം നൽകിയിട്ടും ജോലിയോ തുകയോ തിരികെ ലഭിക്കാതിരുന്നതിനെ തുടർന്ന് യുവാവിന്റെ ഭാര്യ നൽകിയ ഹർജിയിലാണ് എറണാകുളം ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതിയുടെ നിർദേശപ്രകാരം പാലാരിവട്ടം പൊലീസ് കേസെടുത്തത്.

ലൈസൻസില്ലാതെ പ്രവർത്തിച്ചിരുന്ന സ്ഥാപനം 2023 ഡിസംബറിൽ പണം കൈപ്പറ്റിയെന്നാണ് പരാതി. തുക തിരികെ ആവശ്യപ്പെട്ടപ്പോൾ പരാതിക്കാരിയെ സമൂഹമാധ്യമങ്ങളിലൂടെ അപമാനിക്കുമെന്ന് ഭീഷണിപ്പെടുത്തിയതായും എഫ്ഐആറിൽ പറയുന്നു.

ഇടപ്പള്ളി ചങ്ങമ്പുഴ പാർക്കിൽ പ്രവർത്തിക്കുന്ന ആംസ്റ്റർ ഓവർസീസ് പ്രൈവറ്റ് ലിമിറ്റഡ്, പാർവതി മായ ഷാജി, ഭർത്താവ് അനീഷ് മേനോൻ, മാനേജർമാരായ അഭിജിത്ത്, അജു കെ. മാത്യു, വിഷ്ണു വിജയൻ, ഷാജി എന്നിവർക്കെതിരെയാണ് ബിഎൻഎസ് വകുപ്പുകളും എമിഗ്രേഷൻ ആക്ടും പ്രകാരം കേസ് രജിസ്റ്റർ ചെയ്തിരിക്കുന്നത്.

പോളണ്ടിലെ ജോലി വാഗ്ദാനം; യുവാവിൽ നിന്ന് 6.06 ലക്ഷം രൂപ വാങ്ങിയെന്ന് പരാതി

06 ലക്ഷം രൂപ തട്ടിയെടുത്തെന്നാണ് രണ്ടാമത്തെ കേസ്. 10 ലക്ഷം രൂപയും വാങ്ങിയെന്നാണ് എഫ്ഐആറിലെ ആരോപണം.

എന്നാൽ പോളണ്ടിൽ ജോലി നൽകാതെ യുവാവിനെ സെർബിയയിലേക്ക് അയച്ച് വഞ്ചിച്ചെന്നാണ് പരാതി. പ്രൊട്ടക്ടർ ഓഫ് എമിഗ്രന്റ്സ് ലൈസൻസില്ലാതെ പ്രവർത്തിച്ച സ്ഥാപനത്തിന്റെ മാനേജിങ് ഡയറക്ടർ പാർവതി അനീഷ് (പാർവതി മായ ഷാജി), ജനറൽ മാനേജർ അജു കെ. മാത്യു, കോ-ഓർഡിനേറ്റർ അഭിജിത്ത് എസ്. നായർ, പാലാരിവട്ടത്ത് പ്രവർത്തിക്കുന്ന ആംസ്റ്റർ ഇമിഗ്രേഷൻ ഓവർസീസ് എന്നിവർക്കെതിരെയാണ് പരാതി.

ഇരു കേസുകളിലും അന്വേഷണം പുരോഗമിക്കുകയാണെന്ന് പൊലീസ് അറിയിച്ചു.