ന്യൂഡൽഹി: 1984ലെ സിഖ് വിരുദ്ധ കലാപക്കേസിൽ ശിക്ഷിക്കപ്പെട്ട മുൻ കോൺഗ്രസ് എം പി സജ്ജൻ കുമാർ (80) അന്തരിച്ചു. തിഹാർ ജയിലിൽ നിന്ന് ഡൽഹിയിലെ സഫ്ദർജംഗ് ആശുപത്രിയിൽ എത്തിച്ചപ്പോഴേക്കും മരണം സംഭവിച്ചിരുന്നു.
1984ലെ കലാപക്കേസിൽ ജീവപര്യന്തം തടവുശിക്ഷ അനുഭവിച്ചുവരികയായിരുന്നു സജ്ജൻ കുമാർ. മുൻ പ്രധാനമന്ത്രി ഇന്ദിരാഗാന്ധി വധിക്കപ്പെട്ടതിന് പിന്നാലെ 1984 നവംബർ ഒന്നിനും രണ്ടിനും പാലം കോളനി മേഖലയിൽ നടന്ന കലാപത്തിനിടെ അഞ്ച് പേരുടെ മരണത്തിന് കാരണമായെന്ന കേസിലാണ് ഡൽഹി ഹൈക്കോടതി അദ്ദേഹത്തെ കുറ്റക്കാരനെന്ന് കണ്ടെത്തിയത്. 2018ലാണ് കോടതി ജീവപര്യന്തം തടവിന് ശിക്ഷിച്ചത്.
ശിക്ഷ ചോദ്യം ചെയ്ത് സജ്ജൻ കുമാർ സുപ്രീം കോടതിയിൽ അപ്പീൽ നൽകിയിരുന്നു. അതേസമയം, 1984ലെ സിഖ് വിരുദ്ധ കലാപത്തിനിടെ ഡൽഹിയിലെ ജനക്പുരി, വികാസ്പുരി മേഖലകളിൽ അക്രമത്തിന് പ്രേരിപ്പിച്ചെന്ന രണ്ട് കേസുകളിൽ ഈ വർഷം ജനുവരിയിൽ ഡൽഹി കോടതി അദ്ദേഹത്തെ കുറ്റവിമുക്തനാക്കിയിരുന്നു.
വായനക്കാർക്കായി / Recommended for You
-20260119112235.webp)
കെന്നഡി സെന്ററിന്റെ പേരിനെച്ചൊല്ലി ട്രംപും കോടതിയും നേർക്കുനേർ; അടച്ചുപൂട്ടൽ വിവാദത്തിൽ സാംസ്കാരിക കേന്ദ്രം
സര്ക്കാര് ജോലി അഭിമുഖത്തിന് ജീന്സും സ്നീക്കേഴ്സും; ടൈയ്യും ഫോര്മല് ഷൂസും ദക്ഷിണ കൊറിയയില് വിലക്കി
ഇമ്രാന് ഖാന്റെ ചികിത്സയില് ഇടപെടണമെന്ന് യു കെ പ്രധാനമന്ത്രിയോട് ജെമീമ ഗോള്ഡ്സ്മിത്ത്
മക്ക കരാറില് ചേരാന് ഇറാനെ സൗദി അറേബ്യയും തുര്ക്കിയയും പാകിസ്താനും ക്ഷണിച്ചതായി റിപ്പോര്ട്ട്
അമേരിക്കയുടെ കടം 40 ട്രില്യൺ ഡോളർ കടന്നു; കടമെടുപ്പ് വർധനവ് സാമ്പത്തിക ഭീഷണിയാകുമോ?