സഹായ വിതരണം ഒന്നാംഘട്ടം ഇന്ന്

ദോഹ: കഴിഞ്ഞ വര്‍ഷം ഇസ്രായേലിന്‍െറ ആക്രമങ്ങള്‍ക്കിരയായവര്‍ക്ക് ഖത്തര്‍ മുന്‍കൈയെടുത്ത് നല്‍കുന്ന സഹായധന കൈമാറ്റം ഇന്ന് നടക്കും. ഇസ്രായേല്‍ ആക്രമണത്തില്‍ വീടുകള്‍ തകര്‍ന്നവരില്‍ ഖത്തര്‍ സഹായവിതരണ പദ്ധതിയില്‍ രജിസ്റ്റര്‍ ചെയ്ത എല്ലാവരും സഹായധനം കൈപ്പറ്റണമെന്ന് ഫലസ്തീന്‍ പൊതുമരാമത്ത് പാര്‍പ്പിട വകുപ്പ് മന്ത്രി മുഫീദ് അല്‍ ഹുസായിന ആവശ്യപ്പെട്ടു. ഫലസ്തീന്‍ ബാങ്കിന്‍െറ എല്ലാ ശാഖകള്‍ വഴിയും സഹായധനം വിതരണം ചെയ്യും. 580 ആളുകളാണ് ഇതില്‍ രജിസ്റ്റര്‍ ചെയ്തിരിക്കുന്നതെന്നും അദ്ദേഹം വ്യക്തമാക്കി. കഴിഞ്ഞ ഒക്ടോബറില്‍ കൈറോയില്‍ ചേര്‍ന്ന ഗസ്സ പുനര്‍നിര്‍മാണ യോഗത്തില്‍ ഖത്തര്‍ ബില്യന്‍ ഡോളറാണ് പ്രഖ്യാപിച്ചിരുന്നത്. കൂടാതെ ആയിരം പാര്‍പ്പിട യൂനിറ്റുകള്‍ സ്ഥാപിക്കുമെന്നും ഖത്തറിന്‍െറ അംബാസഡര്‍ മുഹമ്മദ് അല്‍ ഇമാദി പറഞ്ഞു. ഇസ്രായേല്‍ ആക്രമണത്തില്‍ തകര്‍ന്നടിഞ്ഞ ഗസ്സയുടെ പുനര്‍നിര്‍മാണത്തിനായി ആദ്യമായി സഹായധനം പ്രഖ്യാപിച്ച രാജ്യങ്ങളിലൊന്ന് ഖത്തറായിരുന്നു.